ក្មេងទំនើងរហ័សនាម JS និងផ្សេងទៀតសរុប ១៣នាក់ ដែលអុកឡុកក្នុងស្រុកចន្ទ្រា និងក្រុងបាវិត ត្រូវសមត្ថកិច្ចឃាត់ខ្លួនបញ្ជូនទៅតុលាការ
ខេត្តស្វាយរៀង៖ យោងតាមផេកផ្លូវការរបស់ អគ្គស្នងការដ្ឋាននគរបាលជាតិ បានឲ្យដឹងថា នៅ ថ្ងៃទី០៣ ខែធ្នូ ឆ្នាំ២០២៥ អនុវត្តតាមបទបញ្ជាដ៏ម៉ឺងម៉ាត់ របស់លោកឧត្ដមសេនីយ៍ទោ ពេជ្រ វីរៈ ស្នងការនគរបាលបាលខេត្ត ក្នុងការបង្ក្រាប និងលុបបំបាត់សកម្មភាពក្មេងទំនើងនៅទូទាំងខេត្ត កម្លាំងនគរបាល នៃអធិការដ្ឋាននគរបាលស្រុកចន្ទ្រា បានស្រាវជ្រាវ និងបង្ក្រាប ដោយឃាត់ខ្លួនបានក្មេងទំនើង ០១ក្រុម ចំនួន ១៣នាក់ ប្រុស ដែលធ្លាប់បានធ្វើសកម្មភាពបង្ករហឹង្សា បង្កការអុកឡុក និងបង្កការរំខានដល់ប្រជាពលរដ្ឋនៅក្នុងមូលដ្ឋានស្រុកចន្ទ្រា និងក្រុងបាវិត ព្រមទាំងបានដកហូត កាំបិត ០១ដើម។
នៅចំពោះមុខសមត្ថកិច្ច ក្រុមក្មេងទំនើង បានឆ្លើយសារភាពថាក្រុមខ្លួនពិតជាធ្លាប់បានបង្ករការអុកឡុកពិតប្រាកដមែន។
បច្ចុប្បន្ន សមត្ថកិច្ច កំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់ ៕
