ប្រជាកសិករប្រមូលផលស្រូវសែនក្រអូបលើកទី២អាចអស់នៅចុងខែនេះហើយតំលៃដូចជាថោកជាមុនបន្តិចនៅបន្ទាយមានជ័យ

បន្ទាយមានជ័យ៖ប្រជាកសិករប្រមូលផលស្រូវសែនក្រអូបអាចអស់នៅចុងខែនេះហើយតំលៃដូចជាថោកជាមុនបន្តិចរហូតដល់ថ្ងៃទី១៤ ខែមករា ឆ្នាំ២០២៦នៅបន្ទាយមានជ័យ។

ប្រជាកសិករបានប្រាប់ថា៖នៅពេលនេះប្រជាកសិករនៅខេត្តបន្ទាយមានជ័យបានប្រមូលផលស្រូវប្រភេទសែនក្រអូបលើកទី២អាចអស់នៅចុងខែមករានេះតែតំលៃដូចជាចុះរឺថោកជាងមុនបន្តិចជាក់ស្តែងនៅពេលដែលប្រជាកសិករប្រមូលផលស្រូវសែនក្រអូបដំបូងឈ្មួញទិញក្នុង១តោនស្រូវល្អរឺប្រភេទលេខ១តំលៃជាង១លានរៀលពេលនេះឈ្មួញទិញតំលៃ៩៥ម៉ឺនរៀល។

ប្រជាកសិករបានបញ្ជាក់ថា៖បើតំលៃស្រូវសែនក្រអូបក្នុង១តោនជាង១លានរៀលគិតថ្លៃភ្ជួររាស់ព្រួសពូជន៍និងជីថ្នាំនិងថ្លៃពលកម្មអាចសល់តិចតួចណាស់នេះស្រូវទទួលផលក្នុង១ហិកតាបានផលជាមធ្យម៥ទៅ៦តោនបើសិនជាបង្កបង្កើនផលមិនបានល្អរឺទទួលផលបាន១ហិកតា៣ទៅ៤តោនគឺរកលុចសងថ្លៃជីមិនបានទេ។

មន្ទីពាណិជកម្មខេត្តបន្ទាយមានជ័យតំលៃស្រូវសម្រាប់ថ្ងៃទី១៤ ខែមករា ឆ្នាំ២០២៦នេះឈ្មួញទិញដល់ស្រែស្រូវសែនក្រអូបលេខ១ឈ្មួញទិញ១តោនតំលៃ៩៨ម៉ឺនរៀលនិងស្រូវស្រង៉ែ១តោនតំលៃ៧៤ម៉ឺនរៀល ស្រូវប្រភេទ៥១និង៥៤ក្នុង១តោនតំលៃ៧០ម៉ឺនរៀល៕(ប៊ុន ធឿន)