អត់លុយបង់រំលោះម៉ូតូ លួចLABTOP និង Tablet របស់រោងចក្រអស់ជាច្រើនគ្រឿង ត្រូវសមត្ថកិច្ចឃាត់ខ្លួន
ខេត្តកណ្តាល ៖ ជនសង្ស័យម្នាក់ អត់លុយបង់រំលោះម៉ូតូ លួចLABTOP និង Tablet របស់រោងចក្រអស់ជាច្រើនគ្រឿង ត្រូវសមត្ថកិច្ចឃាត់ខ្លួន ។
ករណីនេះកើតហេតុនៅថ្ងៃទី៣ ខែមករា ឆ្នាំ ២០២៦ វេលាម៉ោង ០៧ : ៣០ នាទី ចំណុចរោងចក្រ EVERLURS CO.LTD ភូមិអន្លង់រមៀតខាងលិច ឃុំអន្លង់រមៀត ស្រុកកណ្ដាលស្ទឹង ខេត្ត កណ្ដាល និងឃាត់ខ្លួនបាននៅថ្ងៃទី២០ ខែ មករា ឆ្នាំ ២០២៦ វេលាម៉ោង ០៩:០០នាទី ។
សមត្ថកិច្ចបានឲ្យដឹងថា ជនសង្ស័យមានឈ្មោះ ហម រស្មី ភេទប្រុស អាយុ២៤ ឆ្នាំស្នាក់នៅផ្ទះជួលភូមិក្រាំងទ្រា ឃុំព្រះនិពា្វន ស្រុកគងពិសី ខេត្តកំពង់ស្ពឺ មុខរបរ បុគ្គលិករោងចក្រ (ឃាត់ខ្លួន) ដកហូតបានទូរស័ព្ទ០គ្រឿង ម៉ាក iPhone X ពណ៌ ស បែកអេក្រង់ខាងមុខ និងកញ្ចក់ក្រោយ LABTOP ០១គ្រឿង ម៉ាកLenovo ពណ៌ខ្មៅ (របស់ក្រុមហ៊ុន) ។
ចំណែកជនរងគ្រោះមានឈ្មោះ ខន គឹមហួរ ភេទប្រុស អាយុ២៨ ឆ្នាំរស់នៅភូមិត្រពាំងគល់ សង្កាត់កន្ទក ខណ្ឌកំបូល រាជធានីភ្នំពេញ មុខរបរ បុគ្គលិករោងចក្រ ។ សម្ភារៈបាត់បង់ TAPLET ០៤ គ្រឿង ម៉ាកLenovo ពណ៌ខ្មៅ ។
សមត្ថកិច្ចបានឲ្យដឹងថា នៅថ្ងៃទី ០៣ ខែ មករា ឆ្នាំ ២០២៦ វេលាម៉ោង ០៧:៣០នាទី ជនរងគ្រោះបានបានរាយការណ៍ជូនកម្លាំងប៉ុស្តិ៍នគរបាលរដ្ឋបាលអន្លង់រមៀតថាមានជនសង្ស័យមិនស្គាល់អត្តសញ្ញាណចូលលួចសម្ភារៈក្នុងឃ្លាំងរោងចក្រ ក្រោយទទួលពត៌មានភ្លាមកម្លាំងប៉ុស្តិ៍សហការជាមួយកម្លាំងជំនាញផ្នែកព្រហ្មទណ្ឌស្រុកបានចុះទៅធ្វើការស្រាវជ្រាវមេីលកាម៉េរ៉ាសុវត្ថិភាពដេីម្បីកំណត់មុខសញ្ញា រហូតដល់ថ្ងៃទី ២០ ខែ មករា ឆ្នាំ ២០២៦ វេលាម៉ោង ០៩:០០នាទីជនរងគ្រោះបានរាយការណ៍មកផ្នែកជំនាញថាបានឃេីញជនសង្ស័យខាងលេីនៅក្នុងកាមេរ៉ាសុវត្ថិភាពធ្វើសកម្មភាពលួចសំភារៈក្នុងរោងចក្រ និងបានឃាត់ខ្លួនជនសង្ស័យប្រគល់ជូនកម្លាំងផ្នែកជំនាញព្រហ្មទណ្ឌដើម្បីធ្វើសាកសួរ ។
ក្រោយធ្វើការសាកសួររួចជនសង្ស័យខាងលើបានសារភាពថា ៖ នៅថ្ងៃអាទិត្យទី ២៨ ខែឆ្នូ ឆ្នាំ ២០២៥ ខ្លួនបានចេញពីផ្ទះជួលរបស់ខ្លួនមករោងចក្រខាងលើពេលមកដល់ចំនុចកើតហេតុខាងលើជនសង្ស័យស្ពាយកាបូបពណ៌ខ្មៅជាប់ខ្លួននឹងបានយកកូនសោចាក់ចូលក្នុងឃ្លាំងរោងចក្រ ដើរចូលតាមបន្ទប់ហើយបានបេីទូ ឃេីញTablet ចំនួន០៤គ្រឿង ភ្លាមនោះជនសង្ស័យខាងលើបានធ្វើសកម្មភាពលួច Tebletទាំង០៤ គ្រឿងដាក់នៅក្នុងអាវហើយដើរចេញពីរោងចក្រខាងលើ ពេលមកដល់ចំណុចមុខរោងរោងចក្រជនសង្ស័យបានហៅ PassAppជិះចេញមកភ្នំពេញដើម្បីដើររកកន្លែងលក់ ពេលជនសង្ស័យជិះមកតាមផ្លូវជនសង្ស័យបានឃើញ កន្លែងលក់ទូរស័ព្ទមួយកន្លែងម្តុំហួសស្ពានអាកាសចោមចៅ ជនសង្ស័យបានអោយPassApp ឈប់ហើយខ្លួនបានចុះយកTablet ទាំង០៤គ្រឿងបានតម្លៃ២០០ដុល្លាររួចត្រឡប់មកផ្ទះវិញ លុះដល់ថ្ងៃទី១៤ ខែខែមករា ឆ្នាំ២០២៦ ជនសង្ស័យបានយក Labtop មួយគ្រឿងរបស់ក្រុមហ៊ុនមកដាក់បញ្ចាំនៅកន្លែងលក់ទូរស័ព្ទមួមួយកន្លែងស្ថិតនៅផ្សារកំពុងកន្ទួតបានលុយចំនួន ៣០ដុល្លារ។ ចំពោះលុយដែលខ្លួនលក់Tablet បានខ្លួនយកទៅសង់ថ្លៃបង់រលោះម៉ូតូអស់។
បច្ចុប្បន្នជនសង្ស័យរួមទាំងវត្ថុតាងខាងលើកំពុងឃាត់ខ្លួននៅអធិការដ្ឋាននគរបាលស្រុកកណ្ដាលស្ទឹងដើម្បីធ្វើកសាងសំណុំរឿងតាមនិតិវិធីច្បាប់ ៕ នុច
