ខេត្តកណ្តាល ៖ ក្រុមការងារព័ត៌មាននិងប្រតិកម្មរហ័សនៃអធិការដ្ឋាននគរបាលក្រុងតាខ្មៅ សូមជម្រាបជូនសាធារណៈជនអោយបានជ្រាបថា៖ បន្ទាប់ពីមានការចែករំលែកវីដេអូសកម្មភាពលើបណ្តាញសង្គមអំពី យុវជនសិស្សសាលា ១នាក់ក្នុងចំណោម១ក្រុមឈរកាន់បារីជក់ នៅចំណុចតូបលក់ចាបហួយ ភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។
អធិការដ្ឋាននគរបាលក្រុងតាខ្មៅបានឲ្យដឹងថា ដោយអនុវត្តតាមបទបញ្ជា លោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល នៅព្រឹកថ្ងៃទី២៤ ខែមករា ឆ្នាំ២០២៦ លោកវរសេនីយ៍ឯក យី វណ្ណដា អធិការនៃអធិការដ្ឋាននគរបាលក្រុងតាខ្មៅបានឲ្យលោកនាយប៉ុស្តិ៍នគរបាលរដ្ឋបាលកំពង់សំណាញ់ ចុះស្រាវជ្រាវជាលទ្ធផល យុវជនខាងលើជាសិស្សរៀនក្នុងថ្នាក់ទី៨A នៃអនុវិទ្យាល័យ ហ៊ុនសែនខ្ពបវែង ហេីយប៉ុស្តិ៍រដ្ឋបាលបានសហការជាមួយលោកនាយក និងគ្រូបន្ទុកថ្នាក់ អញ្ជើញប្អូនប្រុស និងអាណាព្យាបាលខាងលើមកណែនាំអប់រំ បញ្ឈប់រាល់សកម្មភាពមិនគប្បី ត្រឡប់មកធ្វើជាកូនល្អ សិស្សល្អ ពលរដ្ឋល្អ ក្នុងសង្គមជាតិ និង បានជម្រាបណែនាំបន្ថែមទៅម្ចាស់ទីតាំងផ្ទះលក់ចាបហួយ ហាមមិនឲ្យលក់បារីឲ្យក្មេងមិនទាន់គ្រប់អាយុ និងមិនអនុញ្ញាត្តឲ្យក្មេងៗអង្គុយប្រមូលផ្តុំគ្នាបន្តទៀត ។
អាស្រ័យដូចបានជម្រាបជូនខាងលើសូមបងប្អូនមហាជនមេត្តាជ្រាប ។
