ក្រោយរងការរិៈគន់មានក្រុមផាអាប់កាងមិនអោយផាអាប់ដ៍ទៃចូលយកភ្ញៀវផ្សារទឹកពុះអាជ្ញាធរចុះណែនាំមិនអោយផ្តាច់មុខ

បន្ទាយមានជ័យ៖ក្រោយរងការរិៈគន់មានក្រុមផាអាប់កាងមិនអោយផាអាប់ដ៍ទៃចូលយកភ្ញៀវផ្សារទឹកពុះអាជ្ញាធរចុះណែនាំមិនអោយផ្តាច់មុខយប់ថ្ងៃទី២៥ ខែមករា ឆ្នាំ២០២៦នៅចំណុចបរិវេណកាស៊ីណូស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត។
ជាក់ស្តែងឃើញលោក ប៉ាន់ ខែមប៊ុនថន នាយរងខុទ្ទកាល័យនាយករដ្ឋមន្ត្រីនិងជាប្រធានក្រុមការងាររាជរដ្ឋាភិបាលចុះជួយមូលដ្ឋានក្រុងប៉ោយប៉ែតរួមជាមួយអាជ្ញាធរក្រុងនិងកម្លាំងជំនាញបានចុះណែនាំដល់ក្រុមផាអាប់នៅចំណុចផ្សារទឹកពុះនៅបរិវេណកាស៊ីណូផ្កាយប្រាំ ដោយណែនាំដល់ក្រុមផាអាប់ទាំងអស់មិនអោយផ្តាច់មុខដោយទុកអោយក្រុមផាអាប់ដ៍ទៃទៀតចូលដឹកភ្ញៀវបានដូចគ្នាព្រោះជាកន្លែងសាធារណៈគ្មានអ្នកណាមួយផ្តាច់មុខបានឡើយ។
ព្រោះថា៖កន្លងមកមានការរិៈគន់មានក្រុមផាអាប់រឺម៉ូតូកង់បីបានកាងមិនអោយផាអាប់ដ៍ទៃចូលដឹកភ្ញៀវចំណុចផ្សារទឹកពុះដែលជាកន្លែងភ្ញៀវដោយពួកនោះថាជាកន្លែងផ្តាច់មុខព្រោះពួកគេបានបង់លុយអោយទៅសន្តិសុខយាមផ្សារទឹកពុះទើបពួកនេះមិនអោយផាអាប់ដ៍ទៃទៀតចូលដឹកភ្ញៀវក្នុងផ្សារទឹកបានឡើយទោះជាភ្ញៀវទំនាក់ទំនងក៍ដោយ។
អ្នករត់ផាអាប់បានប្រាប់ថា៖អ្នករត់ផាអាប់នៅក្រុងប៉ោយប៉ែតមាន២ក្រុមមាន១ក្រុមជាសមាគមន៍ក្នុងប្រព័ន្ធ និង១ក្រុមទៀតក្រៅប្រព័ន្ធ តែសមាគមន៍ផាអាប់មានសិទ្ធអំណាចដោយអាងខ្លួនមានសមាគមន៍ត្រឹមត្រូវមិនអនុញ្ញាតិអោយក្រុមក្រៅប្រព័ន្ធចូលបានតាមតែអំពើរចិត្តបានឡើយបើចង់ដឹកត្រូវសុំការអនុញ្ញាតិពីពួកគេសិន មិនថាតែផ្សារទឹកពុះនោះទេនៅតាមផ្លូវមួយចំនួនក្នុងក្រុងប៉ោយប៉ែតត្រូវបានហាមឃាត់មិនអោយចូលដឹកភ្ញៀវអាចប្រឈមហឹង្សាកើតឡើងជាញឹកញាប់នៅក្រុងប៉ោយប៉ែត៕(ប៊ុន ធឿន)