ខេត្តឧត្តរមានជ័យ ៖ ជនសង្ស័យ២នាក់ ជា ក្រុមចោរកាច់.កម៉ូតូឆ្លងខេត្ត យ៉ាងសកម្ម ចេញពីសៀមរាប មកជាប់ខ្នោះនៅឧត្តរមានជ័យ ដោយត្រូវសមត្ថកិច្ចដេញបង្ក្រាបបាន ។ នេះបើយោងតាមផេកផ្លូវការរបស់ អធិការដ្ឋាននគរបាលស្រុកត្រពាំងប្រាសាទ។
សមត្ថកិច្ចបានឲ្យដឹងថា ដោយអនុវត្តន៍បទបញ្ជា ដ៏ម៉ឺងម៉ាត់ ពីសំណាក់លោកឧត្តមសេនីយ៍ទោ ខូវ លី ស្នងការនគរបាលខេត្តឧត្តរមានជ័យ នៅថ្ងៃទី២៤ខែមករាឆ្នាំ២០២៦ម៉ោង១១និង៤០នាទីមានសកម្មភាពក្នុងករណីអំពើលួច(កាច់សោករម៉ូតូ)បានកើតឡើងនៅចំណុចភូមិថ្នល់កែង ឃុំផ្អាវ ស្រុកត្រពាំងប្រាសាទ ខេត្តឧត្តរមានជយ័ បង្កឡើងដោយជនសង្ស័យ ចំនួន០២នាក់ជិះម៉ូតូចំនួន០១គ្រឿងម៉ាកវ៉េវពណ៍ខ្មៅគ្មានផ្លាកលេខជាមធ្យោបាយធ្វើសកម្មភាពលួចយកម៉ូតូម៉ាក ហុងដាឌ្រីមពណ៍ខ្មៅពាក់ស្លាកលេខ(ឧត្តរមានជយ័ 1C-5170)ឆ្នាំផល្លិត២០១៦។
ក្រោយទទួលព័ត៌មានកម្លាំងជំនាញបានសហការជាមួយកម្លាំងប៉ុស្ត៍នគរបាលរដ្ឋបាលឃុំអូរស្វាយ/ផ្អាវ/ទំនប់ដាច់និងប៉ុស្តិ៍នគរបាលរដ្ឋបាលឃុំព្រះប្រឡាយដែលដឹកនាំ ដោយលោកវរ:សេនីយ៍ទោ ជ័យ វាសនា អធិការនគរបាលស្រុកត្រពាំងប្រាសាទធ្វេីការប្រដេញ និងពួនស្ទាក់តាមច្រកល្ហកក្នុងភូមិសាស្រ្តរហូតឈានទៅដល់ការឃាត់ខ្លួនជនសង្ស័យចំនួន០២នាក់ មានឈ្មោះដូចខាងក្រោម÷
១/ឈ្មោះ រិទ្ធ ប៊ុនរាជ ភេទប្រុស អាយុ២៨ឆ្នាំ មុខរបរមិនពិតប្រាកដ(តេស្តមានសារធាតុញៀន) ជាមុខសញ្ញាដ៏សកម្ម រស់នៅភូមិឈូកមាស សង្កាត់កូនគ្រាល ក្រុងសំរោង ខេត្តឧត្តរមានជយ័។
២/ឈ្មោះសេង ជាស៊ីន ភេទប្រុស អាយុ១៧ឆ្នាំ មុខរបរមិនពិតប្រាកដ(តេស្តមានសារធាតុញៀន) ជាមុខសញ្ញាដ៏សកម្ម ប្រព្រឹត្តសកម្មភាពឆ្លងខេត្ត រស់នៅភូមិទ្រាំង សង្កាត់ស្លក្រាម សៀមរាប/ ខេត្តសៀមរាប។
បច្ចុប្បន្នជនសង្សយ័ទាំង០២នាក់ខាងលើរួមទាំងវត្ថុតាង(ម៉ូតូធ្វើសកម្មភាព)កម្លាំងជំនាញបានកសាងសំណុំរឿងបញ្ជូនទៅការិយាល័យជំនាញខេត្តដើម្បីអនុវត្តន៍នីតិវិធីបន្តតាមផ្លូវច្បាប់ ៕
