ក្មេងទំនើងក្រុម ALIAN (អេលៀន) ជិះម៉ូតូឌុបគ្នាច្រើនគ្រឿង ចុះទៅកាប់គេនៅហាងកាហ្វេ ជាប់ខ្នោះរបស់សមត្ថកិច្ចព្រហ្មទណ្ឌកម្រិតស្រាលរាជធានី
រាជធានីភ្នំពេញ ៖ ក្រុមក្មេងទំនើងរហ័សនាម ALIAN (អេលៀន) ជិះម៉ូតូឌុបគ្នាច្រើនគ្រឿង ចុះទៅកាប់គេនៅហាងកាហ្វេ មិនញញើតដៃ ពេលនេះ ជាប់ខ្នោះរបស់សមត្ថកិច្ចព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ ដោយសហការជាមួយផ្នែកព្រហ្មទណ្ឌនៃអធិការដ្ឋានក្រុងតាខ្មៅ អធិការដ្ឋាននគរបាលខណ្ឌមានជ័យ និងកម្លាំងប៉ុស្តិ៍ចាក់អង្រែក្រោម។
ការបង្ក្រាបនេះ ដោយអនុវត្តតាមបទបញ្ជាផ្ទាល់របស់ឯកឧត្ដម ឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដោយនៅថ្ងៃទី២៥ខែ មករា ឆ្នាំ២០២៦ ក្រោមការបញ្ជារពីរ លោកស្នងការរង ប៊ុន សត្យា ទទួលផែនការងារព្រហ្មទណ្ឌ រាជធានីភ្នំពេញ លោកប្រធានការិយាល័យនគរបាលព្រហ្មទណ្ឌកំរិតស្រាល នៃស្នងការដ្ឋានគរបាលរាជធានីភ្នំពេញ សហការជាមួយ កំលាំងជំនាញព្រហ្មទណ្ឌខណ្ឌមានជ័យ និង កំលាំងអធិការដ្ឋានក្រុងតាខ្មៅ លោកវរៈសេនីយ៍ឯក ម៉ម សាវន បានដឹកនាំកំលាំងចុះបង្ក្រាបដោយផ្ទាល់ និងបានឃាត់ខ្លួន ជនសង្ស័យចំនួន ៩នាក់ ដាវ(ធ្វើសកម្មភាពកាប់) ២ដើម ក្រោយបានកាប់ប្រហារគេនៅចំណុច ហាងកាហ្វេ ផ្លូវបេតុង ភូមិព្រែកតាឡុង២ ក្រុម១៥ សង្កាត់ចាក់អង្រែក្រោម រាជធានីភ្នំពេញ វេលាម៉ោងប្រហែល ១៩និង៤០នាទី ថ្ងៃទី២០ ខែមករាឆ្នាំ ២០២៦។
សមត្ថកិច្ចបានឲ្យដឹងថា ជនសង្ស័យទាំង០៩នាក់ ដែលឃាត់ខ្លួនបានរួមមាន ៖
១-ឈ្មោះ ម៉ាល់ មាសភារក្ស ហៅ តឿ ភេទប្រុស អាយុ ១៧ឆ្នាំ
២-ឈ្មោះ ណន ដារ៉ារត្ន័ ហៅ រត្ន័ ភេទប្រុស អាយុ ១៧ឆ្នាំ
៣-ឈ្មោះ ចិន លីន ហៅ ពេជ្យ ភេទប្រុស អាយុ ១៧ឆ្នាំ
៤-ឈ្មោះ យ៉ែម សៀងហុី ហៅ ហុី ភេទប្រុស អាយុ ១៧ ឆ្នាំ
៥-ឈ្មោះ រ៉េត សុវណ្ណារាជ ហៅ រាជ ភេទប្រុស អាយុ ១៧ឆ្នាំ
៦-ឈ្មោះ ផល សម្បូរ ហៅ បូ ភេទប្រុស អាយុ ១៧ឆ្នាំ
៧-ឈ្មោះ បូរាយ បូរី ហៅ រី ភេទប្រុស អាយុ ១៧ឆ្នាំ
៨-ឈ្មោះ ជួបរតនះដេតវិសាល ហៅ សាល ភេទប្រុស អាយុ១៨ឆ្នាំ
៩-ឈ្មោះ ម៉ែន ណារ៉ាក់ ហៅ រ៉ាក់ ភេទប្រុស អាយុ ១៧ឆ្នាំ
បញ្ចាក់ មុខសញ្ញាសេសសល់ និងរត់គេចខ្លួន ដែលសកម្ម ក្នុងករណី ហឹង្សាដោយចេតនាមានស្ងានទំនង់ទោស សមត្ថកិច្ចនិងតាមបង្ក្រាបឲ្យដល់ឬសគល់ដោយមិនយោគយល់នោះឡើយ និងកំពុងស្រាវជ្រាវបន្តយកបក្ខពួកបន្តទៀត។
បច្ចុប្បន្នជនសង្ស័យ និងវត្ថុតាងខាងលើ កម្លាំងជំនាញការិយាល័យ កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕ នុច
