រាជធានីភ្នំពេញ ៖ បុរសវ័យ៣០ឆ្នាំ ត្រូវបានស្លាប់ភ្លាមៗ ក្រោយជិះម៉ូតូរអិលខ្សាច់ ទៅបុកពីក្រោយរថយន្តចោតចោលលើផ្លូវ ។
ហេតុការណ៍នេះបង្កភ្ញាក់ផ្អើលកាលពីវេលាម៉ោង ១០ព្រឹកថ្ងៃទី ២៣ ខែតុលា ឆ្នាំ២០២៥ នៅតាមបណ្តោយផ្លូវ ហាណូយ ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ ។
ជនរងគ្រោះមានឈ្មោះ ឧត្តម ភេទប្រុស អាយុ ៣០ឆ្នាំ មុខរបរ បុគ្គលិកក្រុមហ៊ុនឯកជន ប្រមូលសម្រាម ។
តាមការបញ្ជាក់ពីប្រជាពលរដ្ឋបានអោយដឹងថា គេឃើញ បុរសម្នាក់ជិះម៉ូតូមួយគ្រឿង ម៉ាក សង់ឌ្រីម ពណ៍ខ្មៅ ពាក់ស្លាកលេខ ភ្នំពេញ 1CU-9973 បើកតាមបណ្តោយផ្លូវ ហាណូយ ធ្វេីដំណេីរក្នុងទិសដៅពីជេីងមកត្បូង ក្នុងល្បឿនលឿន ខណៈមកដល់ចំណុចកើតហេតុ មិនដឹងថា បុរសខាងលើគេចអ្វីនោះឡើយ ក៏ឃើញរអិលខ្សាច់ទៅបុករថយន្តកូរ៉េដឹកខ្សាច់ថ្ម មួយគ្រឿង កំពុងចតចោល នៅលេីផ្លូវពេញទំហឹង បណ្តាលឲ្យបុរសខាងលេីស្លាប់ភ្លាមៗនៅនឹងកន្លែងតែម្តង ។
ក្រោយកើតហេតុ សមត្ថកិច្ចជំនាញចរាចរណ៍បានធ្វើការវាស់វែងយកម៉ូតូ ទៅរក្សាទុករងចាំសាច់ញ្ញាត្តិ មកយកត្រឡប់ទៅវិញ ៕
