សាហាវណាស់! បាត់ខ្លួននារី COម្នាក់ក្រោយទៅទារលុយគេតាមភូមិ បែរជាប្រទះឃើញសពត្រូវគេសម្លាប់កប់ក្រោយផ្ទះ ពេលនេះសមត្ថកិច្ចកំពុងគាស់កាយសាកសពពិនិត្យ!

ខេត្តកំពង់ធំ ៖ មានការភ្ញាក់ផ្អើលខ្លាំងមួយបានកើតឡើង ដោយនារីម្នាក់ ជាបុគ្គលិកឥណទាន CO បានបាត់ខ្លួន ក្រោយទៅទារលុយអតិថិជនតាមភូមិ ខណៈក្រុមគ្រួសារខិតខំស្វែងរកគ្រប់ទីកន្លែង តែរកមិនឃើញសោះ ចុងក្រោយបែរជាប្រទះឃើញសព ត្រូវគេសម្លាប់រួចកប់នៅក្រោយផ្ទះ ។

ហេតុការណ៍នេះបានបង្កការភ្ញាក់ផ្អើលនៅរសៀលថ្ងៃទី១៤ ខែវិច្ឆិកា ឆ្នាំ២០២៥នេះ ក្រោយប្រទះឃើញសពរបស់នាង នៅចំណុចក្រោយផ្ទះជនបង្ករ ក្នុងភូមិក្រូច ឃុំស្វាយភ្លើង ស្រុកតាំងគោក ខេត្តកំពង់ធំ ពេលនេះសមត្ថកិច្ចជំនាញពាក់ព័ន្ធកំពុងគាស់សពនារីរងគ្រោះឡើង ដើម្បីធ្វើកោសល្យវិច័យបន្ត ។

សូមបញ្ជាក់ថា ជនដៃដល់ឈ្មោះ ម៉ន សីហា អាយុ២០ឆ្នាំ ត្រូវបានកម្លាំងសមត្ថកិច្ចជំនាញកំពុងស្រាវជ្រាវតាមចាប់។ ចំណែកជនរងគ្រោះនាងរស់នៅភូមិឬស្សី ឃុំស្វាយភ្លើង ស្រុកតាំងគោក ខេត្តកំពង់ធំ ។ ចំពោះការសម្លាប់បែបណា រឿងបែបណានោះ យើងនឹងលម្អិតជូនបន្ត ពេលសមត្ថកិច្ចធ្វើការរួច ៕ នុច