ម្ចាស់ដៃអង្អែលថ្ពាល់ ត្រូវបានឯកឧត្តមអគ្គនាយក នៃអគ្គនាយកដ្ឋានព័ត៌មាន និងសោតទស្សន៍ និងលោកអភិបាលរង ខេត្តស្វាយរៀង កោះហៅដើម្បីចាត់វិធានការទៅតាម សេចក្ដីប្រកាសព័ត៌មាន របស់ក្រសួងព័ត៌មាន —–

ខេត្តស្វាយរៀង ៖ នៅព្រឹកថ្ងៃទី១៩ ខែវិច្ឆិកា ឆ្នាំ២០២៥ ឯកឧត្តមអគ្គនាយក នៃអគ្គនាយកដ្ឋានព័ត៌មាន និងសោតទស្សន៍ និងលោកអភិបាលរង ខេត្តស្វាយរៀង បានកោះហៅលោក ខាន់ សារ័ត្ន ដើម្បីចាត់វិធានការទៅតាម សេចក្ដីប្រកាសព័ត៌មាន របស់ក្រសួងព័ត៌មាន ស្ដីពីការសម្រេចលុបចោលសុពលភាពនៃបណ្ណសម្គាល់អត្តសញ្ញាណជាអ្នកសារព័ត៌មានរបស់បុគ្គលឈ្មោះ ខាន់ សារ័ត្ន នេះភ្លាមៗ។

ក្នុងនោះដែល ក្រសួងព័ត៌មានក៏បានដាក់បុគ្គលនេះក្នុងបញ្ជីហាមឃាត់មិនអនុញ្ញាតឱ្យធ្វើអាជីវកម្ម និងសកម្មភាពនានាក្នុងវិស័យព័ត៌មាន និងសោតទស្សន៍ ចាប់ពីពេលនេះតទៅ ធ្វើនៅមន្ទីរព័ត៌មានខេត្តស្វាយរៀង៕