ផឹកស្រារថ្នាំស្រវឹង បបួលគ្នាសាកក្បាច់គុណ អ្នកចាញ់ស្លាប់បាត់បង់ជីវិត អ្នកឈ្នះត្រូវប្រពន្ធជនរងគ្រោះប្តឹងសមត្ថកិច្ចឃាត់ខ្លួន
ខេត្តកណ្តាល៖ បុរសពីរនាក់ ផឹកស្រារថ្នាំអស់ចំនួន៣លីត្រ ស្រវឹងរៀងខ្លួន បបួលគ្នាសាកក្បាច់គុណ ក៏បង្កហិង្សា ទាត់គ្នាទៅវិញទៅមក បណ្តាលអោយបុរសម្នាក់ចាញ់ស្លាប់បាត់បង់ជីវិត និង បុរសម្នាក់ទៀតឈ្នះ ត្រូវបានភរិយាជនរងគ្រោះប្តឹងសមត្ថកិច្ច សមត្ថកិច្ចឃាត់ខ្លួន។
ហេតុការណ៍នេះដែរបានកេីតឡេីង កាលពីម៉ោង ០៤ និង ៣០នាទីរសៀល ថ្ងៃទី១៩ ខែមករា ឆ្នាំ២០២៦ ស្ថិតក្នុងភូមិសំរោងក្អែរ ឃុំសំរោងធំ ស្រុកកៀនស្វាយ ខេត្តកណ្តាល ។
លោកវរសេនីយ៍ឯក ព្រំ សំណាង អធិការស្រុកកៀនស្វាយ បានអោយដឹងថា ជនរងគ្រោះដែរស្លាប់បាត់ជីវិត មានឈ្មោះកែបនឿនភេទប្រុស អាយុ៥៤ឆ្នាំ ជនជាតិខ្មែរ មុខរបរកសិករ មានទីលំនៅភូមិសំរោងក្អែរ ឃុំសំរោងធំស្រុកកៀនស្វាយ ខេត្តកណ្តាល។
ចំណែកជនសង្ស័យឈ្មោះ តោង តុងភេទប្រុសអាយុ៣៥ឆ្នាំ ជនជាតិខ្មែរមុខរបរមិនពិតប្រាកដ មានទីលំនៅភូមិសំរោងក្អែរ ឃុំសំរោងធំស្រុកកៀនស្វាយ ខេត្តកណ្តាល ជាក្លេីជាមួយជនរងគ្រោះ ។
យោងតាមសមត្ថកិច្ចជំនាញ បានឱ្យដឹងថា មុនកេីតហេតុ ជនរងគ្រោះ និង ជនសង្ស័យបានអង្គុយផឹកស្រាថ្នាំជាមួយគ្នានៅក្រោមដេីមខ្នុរ មុខផ្ទះស្ត្រីម្នាក់ ឈ្មោះ ណេត ស្រីមុំ អាយុ៣២ឆ្នាំ ជនជាតិខ្មែរមុខរបរកម្មកររោងចក្រ មានទីលំនៅភូមិឃុំកេីតហេតុខាងលេី។
លុះផឹកស្រាថ្នាំអស់ចំនួន៣លីត្រ ស្រវឹងធ្លាក់ភ្នែករៀងខ្លួនជនរងគ្រោះឈ្មោះ កែបនឿន បាននិយាយទៅកាន់ ជនសង្ស័យឈ្មោះ តោង តុង ថាថ្ងៃនេះ ដូចជាចង់សាកក្បាច់គុណជាមួយជនសង្ស័យម្តង និយាយចប់ ជនរងគ្រោះបានស្ទុះទាត់ទៅលេីជនសង្ស័យចំនួនពីរជេីងត្រូវចំមុខ ស្រាប់តែភ្លាមនោះ ជនសង្ស័យខឹងក្តៅស្លឹកត្រចៀក ក៍បានស្ទុះក្រោកឡើង ហក់ទៅទាត់ជនរងគ្រោះចំនួន២ជើងវិញចំផ្ទៃមុខបណ្តាលឲ្យដួលទៅលើដី ហេីយជនសង្ស័យបាន ដាល់មុខជនសង្សពីរដៃបន្ថែមទៀតបណ្តាលឲ្យចេញឈាមរបួសធ្ងន់ ។ បន្ទាប់បង្កហិង្សាដាក់គ្នា ទៅវិញ ទៅមក ទាំងជនសង្ស័ និង ជនរងគ្រោះបានចែកផ្លូវគ្នា ទៅផ្ទះសម្រាកជាធម្មតារៀងៗខ្លួន។
លុះដល់ព្រឹកឡើងថ្ងៃទី២០ខែមករាឆ្នាំ២០២៦វេលាម៉ោង៩និង១០នាទីព្រឹក ជនរងគ្រោះមានសភាពមិនស្រួលខ្លួន ដោយសារមានជំងឺប្រចាំកាយលេីសឈាមយូរឆ្នាំ នឹង ត្រូវរបួសជនសង្ស័យវាយតបផងនោះ
ក៏កេីតអាការ:មិនស្រួលខ្លួន ប្រពន្ធនិងគ្រួសារក៍បានបញ្ជូនជនរងគ្រោះទៅកាន់មណ្ឌលសុខភាពឃុំសំរោងធំភ្លាមៗផងដែរ តែដោយសភាពជម្ងឺធ្ងន់ធ្ងរពេក ក្រុមគ្រូពេទ្យជំនាញមណ្ឌលសុខភាពឃុំសំរោងធំ ក៍បានបញ្ជូនជនរងគ្រោះបន្តទៅកាន់មន្ទីរពេទ្យបង្អែកស្រុកកៀនស្វាយដេីម្បីសង្គ្រោះ ដោយអាការ:ជំងឺធ្ងន់ធ្ងរពេក ជនរងគ្រោះបានស្លាប់បាត់បង់ជីវិត បន្ទាប់ពីបញ្ជូនដល់មន្ទីរពេទ្យបង្អែក ។
បន្ទាប់ពីពីរជនរងគ្រោះស្លាប់បាត់បង់ជីវិត ប្រពន្ធជនរងគ្រោះ ឈ្មោះស៊ុន ណារីបានតេទូរស័ព្ទទៅប្តឹងប៉ុស្តិ៍នគរបាលរដ្ឋបាលសំរោងធំ ប្តឹងជនសង្ស័យឈ្មោះ តោង តុង ។ ក្រោយពីទទួលបានពាក្យបណ្តឹងភ្លាមកម្លាំងប៉ុស្តិ៍នគរបាលរដ្ឋបាលសំរោងធំសហការជាមួយកម្លាំងជំនាញ ចុះទៅដល់កន្លែងកេីតហេតុធ្វេីស្រាវជ្រាវឈានដល់ការឃាត់ខ្លួនជនសង្ស័យយកមកប៉ុស្ដិ៍ដើម្បីធ្វេីការសាកសួរ
។ ប្រភពពីប្រពន្ធជនរងគ្រោះ បានបន្តថាប្តីរបស់គាត់ឈ្មោះកែប នឿន មានអាការ:ជំងឺលេីសឈាមរយៈពេល៥ឆ្នាំហេីយ និង លេបថ្នាំលេីសឈាម ជាប្រចាំថ្ងៃផងដែរ ។
ក្រោយឃាត់ខ្លួនជនសង្ស័យ នៅចំពោះមុខសមត្ថកិច្ចជនសង្ស័យបានសារភាពថា ខ្លួនស្រវឹងស្រាហើយពិតជាបានប្រេីហិង្សាទាត់ និងដាល់ទៅលេីជនរងគ្រោះប្រាកដមែន បច្ចុប្បន្នជនសង្ស័យត្រូវបាន សមត្ថកិច្ចឃាត់ខ្លួននៅអធិការដ្ឋាននគរបាលស្រុកកៀនស្វាយ និង កសាងសំណុំរឿងចាត់ការបន្តតាមនីតិវិធី៕ អែល មេសា
