ប្រជាកសិករបានសម្រុកដាំដំណាំបន្លែផ្លែផ្កាសម្រាប់តម្រូវការទីផ្សារក្នុងស្រុកឃើញតម្លៃប្រសើរជាងមុន

បន្ទាយមានជ័យ៖ប្រជាកសិករបានសម្រុកដាំដំណាំបន្លែផ្លែផ្កាសម្រាប់តម្រូវការទីផ្សារក្នុងស្រុកឃើញតម្លៃប្រសើរជាងមុននៅភូមិគៀប សង្កាត់ទឹកថ្លា ក្រុងសិរីសោភ័ណ។
ប្រជាកសិករបានប្រាប់ថា៖ពេលនេះប្រជាកសិករបានសម្រុកនាំគ្នាដាំដំណាំបន្លែផ្លែផ្កាក្រោយតំលៃប្រសើរជាងមុនជាក់ស្តែងនៅសង្កាត់ទឹកថ្លា និងសង្កាត់កំពង់ស្វាយដែលដាំដំណាំច្រើនសម្រាប់តម្រូវទីផ្សារក្នុងស្រុកដូចជា ដាំដំណាំត្រប់ ប៉េងបោះ ត្រឡាច ល្ពៅ ស្ពៃ និងដំណាំផ្សេងៗទៀតជាច្រើនប្រភេទ។
ប្រជាកសិករបានបញ្ជាក់ថា៖ដំណាំដែលដាំបានផគឺឈ្មួញមកទិញដល់ចំការហើយតម្លៃក៍ប្រសើរជាងមុននេះជាកម្លាំងចិត្តដែលប្រជាកសិករដែលខិតខំធ្វើហើយទទួលបានផលសម្រាប់សេដ្ឋកិច្ចគ្រួសារដូចជាតម្រូវការកូនចៅរៀនសូត្រនិងចំណាយសម្រាប់គ្រួសារ។
លោក ស្រេង សុផល អភិបាលក្រុងសិរីសោភ័ណបានបញ្ជាក់ថា៖នៅក្រុងសិរីសោភ័ណឃើញប្រជាកសិករបាននាំគ្នាដាំដំណាំដូចជាបន្លែផ្លែផ្កាច្រើនជាមុនហើយការលក់ដូរនិងទីផ្សារដូចជាប្រសើរជាងមុនព្រោះប្រជាកសិករមិនត្អូញត្អែរឃើញសកម្មភាពដាំដុះច្រើនដូចជានៅចំណុចជើងភ្នំពង្រ កងវ៉ាក្នុងសង្កាត់កំពង់ស្វាយ និងចំណុចវាលឥន្ត្រី សង្កាត់ទឹកថ្លា ក្រុងសិរីសោភ័ណ ដែលការដាំដុះត្រូវបានមន្ទីជំនាញបានចុះណែនាំអោយដាំទទួលបានផលល្អ៕(ប៊ុន ធឿន)