អាណិតណាស់ យាយយើង យាយគេ ម្តាយយើង ម្តាយគេ គាត់ចាស់ទៅហើយស្រែកឲ្យជួយផង ខណៈត្រូវពួកចោរចិត្តតិរច្ឆាន ស្ទាក់ដណ្តើមប្លន់ម៉ូតូដួលប្រផាប់ប្រភីង រួចរត់បាត់

ខេត្តកណ្តាល ៖ អាណិតណាស់ យាយយើង យាយគេ ម្តាយយើង ម្តាយគេ គាត់ចាស់ទៅហើយ មិនដឹងទើបមកពីផ្សារទិញអីវ៉ាន់យកមកលក់ ឬក៏យកអីវ៉ាន់ទៅលក់នៅផ្សារនោះទេ ផ្លូវស្ងាត់ គ្រប់គ្នាកំពុងលង់ក្នុងដំណេក ស្រាប់តែមានជនសង្ស័យជាក្រុមចោរ ដែលគ្មានចិត្តធម៌មេត្តា ជិះមកស្ទាក់ប្លន់ ប្រតាយប្រតប់យកម៉ូតូពីគាត់ដែលចាស់ទៅហើយ អាសូរតែម៉ូតូនោះថ្មីទៅ នេះម៉ូតូ០១៧សោះក៏ប្លន់ពីគាត់ គ្មានចិត្តមេត្តាក្នុងខ្លួន មិនអាណិតគាត់ទាល់តែសោះ ។

សូមបញ្ជាក់ថា ករណីនេះប្លន់នេះ បានកើតឡើងនៅម៉ោងប្រហែល៤យប់ទៀបភ្លឺ ថ្ងៃទី៣០ មករា ២០២៥នេះលើបណ្ដោយផ្លូវជាតិលេខ2 ក្បែរវត្តវិហាបិទមាស ក្នុងភូមិព្រែកស្លែង ឃុំព្រែកស្លែង ស្រុកកណ្ដាលស្ទឹង ខេត្តកណ្តាល។

ម៉ូតូដែលត្រូវចោរប្លន់យកទៅនេះ ជាម៉ូតូម៉ាក Honda Dream2017 ឡើងតែម2022 ដែលមានស្លាកលេខម៉ូតូ(1B-4654ព្រះវិហារ) ។ ទោះបីជាយ៉ាងណា មហាជនកំពុងរង់ចាំមើលមុខចោរទាំងនេះពេលសមត្ថកិច្ចបង្ក្រាបបាន ថាតើមុខបែបណា បានជាធ្វើបែបនេះណាមួយទោះរត់ទៅដល់ណាក៏សមត្ថកិច្ចចាប់បានដែរ កុំចង់ខ្លាំង មិនយូរនោះទេ ៕នុច