កម្លាំងអគ្គស្នងការស្នងការដ្ឋាននគរបាលជាតិ កំពុងបើកប្រតិបត្តិការទ្រង់ទ្រាយធំ បង្ក្រាបទីតាំង Scam Online ក្នុងក្រុងបាវិត ឃាត់ខ្លួនមនុស្សជាច្រើននាក់នៅព្រឹកនេះ!!!
ខេត្តស្វាយរៀង ៖ យោងតាមផេកផ្លូវការរបស់ អគ្គស្នងការដ្ឋាននគរបាលជាតិ បានឲ្យដឹងថា ដោយអនុវត្តតាមបទបញ្ជាដ៏ម៉ឺងម៉ាត់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងដោយមានការចង្អុលបង្ហាញពីឯកឧត្តម ឧត្តមសេនីយ៍ឯក ជីវ ផល្លី និងឯកឧត្តម ឧត្តមសេនីយ៍ឯក មួង សុធា អគ្គស្នងការរងនគរបាលជាតិ ដោយមានការសម្របសម្រួលពីព្រះរាជអាជ្ញា នៃអយ្យការអមសាលាដំបូងខេត្តស្វាយរៀង នាព្រឹកថ្ងៃទី៣១ ខែមករា ឆ្នាំ២០២៦ នេះ កម្លាំងនគរបាលជំនាញ នៃអគ្គស្នងការស្នងការដ្ឋាននគរបាលជាតិ បានសហការជាមួយគណៈបញ្ជាការខេត្តស្វាយរៀង បានបើកប្រតិបត្តិការទ្រង់ទ្រាយធំបង្ក្រាបទីតាំង Scam Online ក្នុងក្រុងបាវិត ។
ក្នុងប្រតិបត្តិការនេះសមត្ថកិច្ចបានធ្វើការឃាត់ខ្លួនមនុស្សជាច្រើននាក់ តែទោះបីជាយ៉ាងណា ពេលនេះស្ថិតក្នុងរង្វង់ប្រតិបត្តិការរបស់សមត្ថកិច្ចនៅមិនទាន់អាចបញ្ជាក់ពីចំនួននៅឡើយទេ ទុកឲ្យសមត្ថកិច្ចលោកធ្វើការមួយជំហ៊ានសិន ព័ត៌មានលម្អិត យើងនឹងUpdate ជូនបន្ត ។
