ស្នងការនគរបាលខេត្តបន្ទាយមានជ័យ(ថ្មី)ត្រូវបានប្រកាសផ្ទេភារកិច្ចនិងតែងតាំងមុខតំណែងនៅថ្ងៃស្អែកនេះ
បន្ទាយមានជ័យ៖ ស្នងការនគរបាលខេត្តបន្ទាយមានជ័យ(ថ្មី)ត្រូវបានប្រកាសផ្ទេភារកិច្ចនិងតែងតាំងមុខតំណែងនៅថ្ងៃស្អែកនេះនៅសាលប្រជុំធំសាលាខេត្តបន្ទាយមានជ័យ។
លោកឧត្តមសេនីយ៍ត្រី រ៉ែម វីរៈ ស្នងការរងនគរបាលខេត្តបន្ទាយមានជ័យនិងជាអ្នកនាំពាក្យបានប្រាប់ថ្ងៃទី១០ ខែមីនា ឆ្នាំ២០២៦ថា៖នៅថ្ងៃទី១១ ខែមីនា ឆ្នាំ២០២៦នៅសាលប្រជុំ(ធំ)សាលាខេត្តបន្ទាយមានជ័យ ត្រូវបានរៀបចំប្រកាសការផ្ទេរភារកិច្ចនិងតែងតាំងមុខតំណែងលោកឧត្តមសេនីយ៍ត្រី សឿម សារិទ្ធ អត្តលេខ២២១៥២ពីស្នងការរងនៃស្នងការដ្ឋាននគរបាលខេត្តបាត់ដំបង ទៅជាស្នងការនៃស្នងការដ្ឋាននគរបាលខេត្តបន្ទាយមានជ័យ ជំនួសលោកឧត្តមសេនីយ៍ទោ សិទ្ធិ ឡោះ អត្តលេខ០៩០៤៩ពីស្នងការនៃស្នងការដ្ឋាននគរបាលខេត្តបន្ទាយមានជ័យ ទៅជាអនុប្រធាននាយកដ្ឋានកណ្តាលនគរបាលយុត្តិធម៌។
លោកឧត្តមសេនីយ៍ត្រី រ៉ែម វីរៈ បានបញ្ជាក់ថា៖អតីតៈភាពលោកឧត្តមសេនីយ៍ទោ សិទ្ធិ ឡោះ ជាស្នងការនៃស្នងការដ្ឋាននគរបាលខេត្តបន្ទាយមានជ័យមានរយៈពេលជិត៦ឆ្នាំ និងជាស្នងការរង នៃស្នងការដ្ឋាននគរបាលខេត្តបន្ទាយមានជ័យមានរយៈពេលជាង១០ឆ្នាំ ដែលបានបម្រើប្រជាពលរដ្ឋនិងសង្គមជាពិសេសអំឡុងដែលសង្គ្រាមទាហានថៃឈ្លានពានកម្ពុជាតំបន់ជោគជ័យ ព្រៃចាន់ ឃុំអូរបីជាន់ ស្រុកអូរជ្រៅ និងតំបន់បឹងត្រកួន ឃុំគោករមៀត ស្រុកថ្មពួកបានដឹកនាំកម្លាំងនគរបាលជាតិខេត្តបន្ទាយមានជ័យ ដើម្បីការពារអធិបតេយ្យភាពនិងបូរណៈភាពទឹកដី៕(ប៊ុន ធឿន)
