រាជធានីភ្នំពេញ ៖ ជនសង្ស័យម្នាក់ មានដៃមានជើង កាយសម្បទារត្រឹមត្រូវ មិនគិតប្រកបរបរសុច្ចរិត បែរជាដើរចាំលួចម៉ូតូរបស់ប្រជាពលរដ្ឋ ត្រូវបាន កម្លាំងផ្នែកនគរបាលយុត្តិធម៌ នៃអធិការដ្ឋាននគរបាលខណ្ឌទួលគោក ធ្វើការឃាត់ខ្លួនបាន ។
ការបង្ក្រាបបានធ្វើឡើងនៅវេលាម៉ោងប្រហែល១៩:០៥នាទីយប់ ថ្ងៃទី២១ ខែតុលា ឆ្នាំ២០២៥ នៅចំណុចផ្លូវលេខ៤៣០ សង្កាត់បឹងសាឡាង ខណ្ឌទួលគោក ក្រោយពីជនសង្ស័យ ឈ្មោះ ជ័យពេជ្រ បុរី ហៅ បុរី ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ (មានសារធាតុញៀន) រូបនេះ បានលួចម៉ូតូរបស់ប្រជាពលរដ្ឋ ចេញពីចំណុចផ្ទះលេខ៤៧E ផ្លូវលេខ២២៨ សង្កាត់បឹងសាឡាង ខណ្ឌទួលគោក កាលពីថ្ងៃទី១៥ ខែតុលា ឆ្នាំ២០២៥ វេលាម៉ោងប្រហែល១៣:២៥នាទីថ្ងៃត្រង់។
ក្នុងនោះ សម្ភារបាត់បង់មាន៖ ម៉ូតូម៉ាក HONDA C125 ពណ៌ខ្មៅ ស៊េរីឆ្នាំ២០១៨ ពាក់ផ្លាកលេខភ្នំពេញ 1GW-5742។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីកសាងសំណុំរឿងចាត់ការតាមនីតិវិធី៕
