បន្ទាយមានជ័យ៖ជនភាសឹកដែលកំពុងរស់នៅតំបន់សុវត្ថិភាពមានចំនួន៧៧០គ្រួសារហើយត្រឡប់ទៅផ្ទៈវិញ៨២គ្រួសាររហូតដល់ថ្ងៃទី១៨ ខែវិច្ឆិការ ឆ្នាំ២០២៥នៅវត្តចាន់ស៊ីស្ថិតភូមិកូបកើត ឃុំកូប ស្រុកអូរជ្រៅ។
លោក កែវ តារ៉ារស្មី អភិបាលស្រុកអូរជ្រៅបានប្រាប់ថា៖ជនភាសឹកដែលត្រូវបានជម្លៀសចេញពីភូមិជោគជ័យនិងភូមិព្រៃចាន់មានចំនួន៨៥២គ្រួ សារហូតពេលនេះបានត្រឡប់ទៅលំនៅដ្ឋានវិញចំនួន៨២គ្រួសារក្រោយស្ថានភាពនៅភូមិព្រៃចាន់ និងភូមិជោគ ជ័យ ដូចជាមានភាពស្ងប់ស្ងាត់ ក្រោយទាហានថៃបើកការបាញ់ប្រហាទៅលើប្រជាពលរដ្ឋស្លាប់របួស៤នាក់កន្លងទៅថ្មីៗនេះនៅភូមិព្រៃចាន់ ឃុំអូរបីជាន់ ស្រុកអូរជ្រៅ។
លោកបានបញ្ជាក់ថា៖ជនភាសឹកដែលកំពុងស្នាក់តំបន់សុវត្ថិភាពនៅវត្តចាន់ស៊ីមានសរុបចំនួន៨៥២គ្រួសារស្មើមនុស្សរាយ២.៨៧៩នាក់កុមារអាយុ១៥ឆ្នាំ៧៧២នាក់ជនពិការ២៥នាក់ស្ត្រីមានផ្ទៃពោះ៧នាក់ ក្រោយស្ថានភាពស្ងប់ស្ងាត់ប្រជាពលរដ្ឋបានវិលត្រឡប់ទៅលំនៅដ្ឋានវិញចំនួន៨២គ្រួសារស្មើមនុស្សរាយ២៤៣នាក់កុមារអាយុ១៥ឆ្នាំ៤៩នាក់ជនពិការ២នាក់។
លោក កែវ តារ៉ារស្មី បានបញ្ជាក់ថា៖ពេលនេះជនភាសឹករស់នៅតំបន់សុវត្ថិភាពជាក់ស្តែងមានចំនួន៧៧០គ្រួសារស្មើ២.៦៣៦នាក់កុមារអាយុ១៥ឆ្នាំមាន៧២៣នាក់ជនពិការ២៣នាក់ស្ត្រីមានផ្ទៃពោះ៧នាក់ហើយជនភាសឹកទាំង៨៥២គ្រួសារទទួលបានអំណោយ៕(ប៊ុន ធឿន)
