ក្រសួងមហាផ្ទៃ| គិតដល់ម៉ោង ៦ល្ងាច ថ្ងៃទី១០ ខែធ្នូ ជនភៀសសឹកបានកើនដល់ជាង ៥ម៉ឺន ៦ពាន់គ្រួសារ ស្មើនឹងមនុស្សជាង១សែន ៩ម៉ឺននាក់ ដោយសារសង្គ្រាមឈ្លានពានយ៉ាងឃោឃៅរបស់យោធាថៃ មកលើកម្ពុជា
គិតពីម៉ោង១២ថ្ងៃត្រង់ រហូតដល់ម៉ោង ៦ល្ងាច ថ្ងៃទី១០ ខែធ្នូ ឆ្នាំ២០២៥នេះ ជនភៀសសឹកបានកើនដល់ជាង ៥ម៉ឺន ៦ពាន់គ្រួសារ ស្មើនឹងមនុស្សជាង១សែន ៩ម៉ឺននាក់ ដោយក្នុងនោះរួមមាន៖
ខេត្តព្រះវិហារ មានជនភៀសសឹកកើនដល់៦.៤៧៧គ្រួសារ ស្មើនឹងមនុស្សចំនួន២២.៣៩០នាក់។
ខេត្តឧត្តរមានជ័យ មានជនភៀសសឹកកើនដល់១១.៦០៧គ្រួសារ ស្មើនឹងមនុស្សចំនួន៣៩.៩៤៥នាក់។
ខេត្តបន្ទាយមានជ័យ មានជនភៀសសឹកកើនដល់២២.៧៩៩គ្រួសារ ស្មើនឹងមនុស្សចំនួន ៨០.៤៤៧នាក់ (កុមារ២៤.៧០៨នាក់)។
ខេត្តបាត់ដំបង មានជនភៀសសឹកកើនដល់៨១៨គ្រួសារ ស្មើនឹងមនុស្សចំនួន៣.២៨៦នាក់។
ខេត្តពោធិ៍សាត់ មានជនភៀសសឹកកើនដល់៩០០គ្រួសារ ស្មើនឹងមនុស្សចំនួន៣.២២១នាក់។
ខេត្តកោះកុង មានប្រជាជនប្រមាណ៦០% នៅឃុំប៉ាក់ខ្លង ស្រុកមណ្ឌលសីមា និងក្នុងក្រុងខេមរភូមិន្ទមួយចំនួនទៀត បានចាកចេញទៅកាន់លំនៅឋានសាច់ញាតិតាមបណ្តាស្រុក និងខេត្តដទៃ ព្រមទាំងរាជធានីភ្នំពេញ ខណៈពលរដ្ឋចំនួន៦៣នាក់ ផ្សេងទៀត បានភៀសខ្លួនពីតំបន់ហានិភ័យមកកាន់ក្រុងខេមរភូមិន្ទ។
ខេត្តសៀមរាប បានទទួលជនភៀសសឹក១៣.៥៥១គ្រួសារ ស្មើនឹងមនុស្សចំនួន៤៤.៥២៧នាក់។
