លោក ម៉េត មាសភក្តី អ្នកនាំពាក្យនិងជាអភិបាលរងខេត្តឧត្តរមានជ័យ| អនុវត្តបទបញ្ជាដ៏ម៉ឺងម៉ាត់របស់ឯកឧត្តម មាន ចាន់យ៉ាដា រក្សាឱ្យបានជាដាច់ខាតសន្តិសុខសុវត្ថិភាពជូនជនភៀសសឹកស្នាក់នៅក្នុងជំរំទាំងអស់ គណៈបញ្ជាការស្រាលជំរំសុវត្ថិភាពវត្តបាត់ថ្កៅ ដែលកំពុងទទួលការស្នាក់អាស្រ័យជិត ២ម៉ឺននាក់ រួមមានកុមារជិត ៤ពាន់នាក់ផងនោះ បានកំពុងបន្តសកម្មភាពថែរក្សាសន្តិសុខ ចាប់តាំងពីព្រឹកព្រលឹមថ្ងៃរះ រហូតដល់ការចេញល្បាតពេលយប់ក្នុង និងក្រៅជំរំ តាមវេនរៀងរាល់ម៉ោង រហូតទល់ភ្លឺ

ខេត្តឧត្តរមានជ័យ ៖ យោងតាមការបង្ហោះទាំងស្រុងរបស់លោក ម៉េត មាសភក្តី អ្នកនាំពាក្យនិងជាអភិបាលរងខេត្តឧត្តរមានជ័យ នៅវេលាម៉ោង១២និង២៣នាទីយប់រំលងអាធ្រាត្រឈានចូលថ្ងៃទី១៦ ខែធ្នូ ឆ្នាំ២០២៥ ទាងស្រុងថា អនុវត្តបទបញ្ជាដ៏ម៉ឺងម៉ាត់របស់ឯកឧត្តម មាន ចាន់យ៉ាដា ប្រធានគណៈបញ្ជាការឯកភាពរដ្ឋបាលខេត្តឧត្តរមានជ័យ រក្សាឱ្យបានជាដាច់ខាតសន្តិសុខសុវត្ថិភាពជូនជនភៀសសឹកស្នាក់នៅក្នុងជំរំទាំងអស់ គណៈបញ្ជាការស្រាលជំរំសុវត្ថិភាពវត្តបាត់ថ្កៅ ដែលកំពុងទទួលការស្នាក់អាស្រ័យជិត ២ម៉ឺននាក់ រួមមានកុមារជិត ៤ពាន់នាក់ផងនោះ បានកំពុងបន្តសកម្មភាពថែរក្សាសន្តិសុខ ចាប់តាំងពីព្រឹកព្រលឹមថ្ងៃរះ រហូតដល់ការចេញល្បាតពេលយប់ក្នុង និងក្រៅជំរំ តាមវេនរៀងរាល់ម៉ោង រហូតទល់ភ្លឺ។

ខ្ញុំ និងលោកអភិបាលក្រុងសំរោង បានចុះឆ្មក់ត្រួតពិនិត្យ និងបានទទួលស្គាល់ថា ផែនការដែលបានដាក់ចេញ កងកម្លាំងគ្រប់ប្រភេទ គ្រប់គោលដៅ អនុវត្តបានយ៉ាងល្អដោយភាពទទួលខុសត្រូវ។
ឃើញបងប្អូនជនភៀសសឹកយើងកម្រាកក្នុងតង់រៀងៗខ្លួន ជាមួយភ្លើងបំភ្លឺភ្លឹមៗ ក្នុងបរិយាកាសយ៉ាងស្ងាត់ស្ងៀម ខ្ញុំសែនស្រណោះទាំងពួកគាត់ និងខ្លួនឯងផ្ទាល់ផងដែរ “នឹកកូន ”
សូមបន់ស្រន់បានសុខសាន្ត ៕