រដ្ឋបាលរាជធានីភ្នំពេញ ដាក់ឱ្យប្រើប្រាស់បន្ទប់ទឹកសាធារណៈ នៅសួនច្បារមាត់ទន្លេ ដោយឥតគិតថ្លៃ

រាជធានីភ្នំពេញ៖ រដ្ឋបាលរាជធានីភ្នំពេញដាក់ឱ្យប្រើប្រាស់បន្ទប់ទឹកសាធារណៈ នៅសួនច្បារមាត់ទន្លេ ចាប់ពីថ្ងៃស្អែកទី៣០ ខែមករា វេលាម៉ោង ៧:០០ព្រឹកនេះតទៅដោយឥតគិតថ្លៃ។
អនុវត្តតាមការណែនាំរបស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ រដ្ឋបាលរាជធានីនឹងដាក់អោយដំណើរការប្រើប្រាស់បន្ទប់ទឹកសាធារណៈនៅសួនច្បារមាត់ទន្លេ «មុខវត្តឧណ្ណាឡោម»ចាប់ពីថ្ងៃស្អែកទី៣០ ខែមករា ឆ្នាំ២០២៦ វេលាម៉ោង ៧:០០ព្រឹកនេះតទៅដោយឥតគិតថ្លៃ។ នេះបើយោងតាមការចេញផ្សាយរបស់ ទូរទស្សន៍ជាតិកម្ពុជា ។

មន្ត្រីមន្ទីរនៃមន្ទីរសាធារណការនិងដឹកជញ្ជូនរាជធានីភ្នំពេញឱ្យដឹងនាថ្ងៃ២៩មករានេះថាះបន្ទប់ទឹកទំនើបមួយកន្លែងនេះ សម្រាប់ប្រជាពលរដ្ឋដែលមកកំសាន្តសប្បាយនៅសួនច្បារនិង ផ្លូវថ្មើរជើងមាត់ទន្លេ ដែលក្នុងនោះមានបង្គន់បុរស-នារីចំនួន ២៥បន្ទប់ បង្គន់សម្រាប់ជនពិការចំនួន ១បន្ទប់ កន្ថោរនោមចំនួន ១៦កំប្លេរ និងឡាវ៉ាបូលាងដៃចំនួន ១០កំប្លេរ ។

មន្ត្រីដដែលបានសូមអំពាវនាវដល់បងប្អូនប្រជាពលរដ្ឋក៏ដូចភ្ញៀវទេសចរណ៌ជាតិនិងអន្តរជាតិដែលប្រើប្រាស់បន្ទប់ទឹកនេះសូមចូលរួមថែរក្សាអនាម័យ ដើម្បីសុខភាពល្អ និងបរិស្ថានល្អ ទាំងអស់គ្នា ៕