ក្រុមអ្នកសង្កេតការណ៍អាស៊ាន (AOT) នៅព្រឹកថ្ងៃទី១៣ ខែវិច្ឆិកា ឆ្នាំ២០២៥នេះ បន្តចុះត្រួតពិនិត្យនៅភូមិព្រៃចាន់ កន្លែងដែលទាហានថៃបើកការបាញ់ប្រហារមកលើជនស៊ីវិលកម្ពុជា ស្លាប់ម្នាក់ និងរងរបួស៣នាក់

ក្រុមអ្នកសង្កេតការណ៍អាស៊ាន (AOT) នាព្រឹកថ្ងៃទី១៣ ខែវិច្ឆិកា ឆ្នាំ២០២៥នេះ អញ្ជើញចុះត្រួតពិនិត្យ និងសង្កេតការណ៍ នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ជាទីកន្លែងដែលទាហានថៃបានបើកការបាញ់ប្រហារមកលើជនស៊ីវិលកម្ពុជា បណ្តាលឱ្យស្លាប់ម្នាក់ និងរងរបួសធ្ងន់ស្រាល៣នាក់។

ដំណើរចុះបន្តពិនិត្យនៅភូមិព្រៃចាន់ កន្លែងដែលទាហានថៃបើកការបាញ់ប្រហារមកលើជនស៊ីវិលកម្ពុជា នេះ មានការចូលរួមពីក្រុមអ្នកសង្កេតការណ៍អាស៊ានចំនួន​៥ប្រទេស មានទាំងរដ្ឋបាលខេត្តបន្ទាយមានជ័យ ដឹកនាំដោយលោកឯកឧត្តម អ៊ុំ រាត្រី អភិបាលខេត្ត ក៏ដូចជាប្រធានក្រុមព្រឹក្សា អមជាមួយថ្នាក់ដឹកនាំ និងកងកម្លាំងពាក់ព័ន្ធជាច្រើនរូបទៀតផងដែរ ៕