ក្រោយរងការរិះគន់ផ្លូវ១ខ្សែជិត២,០០០ម៉ែត្រ ឆ្លងកាត់ផ្សារគុត្តសតបែកភក់ពេលកសាង អាជ្ញាធរបានឈូសឆាយគម្រោងកសាងផ្លូវបេតុង
បន្ទាយមានជ័យ៖ ក្រោយរងការរិះគន់ផ្លូវ១ខ្សែជិត២០០០ម៉ែត្រឆ្លងកាត់ផ្សារគុត្តសតបែកភក់ពេលកសាងអាជ្ញាធរបានឈូសឆាយគម្រោងកសាងផ្លូវេតុងស្ថិតភូមិយាងថ្មី ឃុំកូប ស្រុកអូរជ្រៅ។
លោក អ៊ូ សុភាព អភិបាលរងស្រុកអូរជ្រៅបានប្រាប់ថា៖សុំអោយប្រជាពលរដ្ឋទ្រាំបន្តិចអាចបានស្រួលឡើងវិញហើយនៅពេលអាជ្ញាធរកសាងផ្លូវ១ខ្សែប្រវែងជិត២០០០ម៉ែត្រដែលតភ្ជាប់ពីផ្លូវជាតិលេខ៥ឆ្លងកាត់ផ្សារគុត្តសតស្ថិតភូមិយាងថ្មី ឃុំកូប ដល់ភូមិយាយអត ឃុំគុត្តសោត ស្រុកអូរជ្រៅ។
លោកបានបញ្ជាក់ថា៖គម្រោងកសាងផ្លូវបេតុប្រវែងជាង២៤០ម៉ែត្រនិងទទឹង៨ម៉ែត្រ និងកសាងផ្លូវកៅស៊ូប្រវែង១៧០០ម៉ែត្រ ហើយគម្រោងបន្តកសាងចាប់ពីស្រុកអូរជ្រៅរហូតស្រុកម៉ាឡៃដើម្បីសម្រួលអោយប្រជាពលរដ្ឋដឹកកសិផលចេញចូលបាយដោយងាយស្រួលហើយសង្ឃឹមថាបងប្អូនប្រជាពលរដ្ឋមានការយោគយល់ដល់ក្រុងការងារកសាងផ្លូវដែលកំពុងធ្វើនៅរដូវវស្សាតែងតែជួបការលំបាកពេលឈូសឆាយ។
លោក អ៊ូ សុភាព បានបញ្ជាក់ថា៖អ្វីដែលប្រជាពលរដ្ឋរិះគន់គឺអាជ្ញាធរទទួលយកដើម្បីស្ថាបនាតែការរិះគន់ត្រូវមើលកាលៈទេសៈផងព្រោះការកសាងផ្លូវពេលឈូសឆាយមានភ្លៀងតែងតែបែកភក់ហើយក្រុមការងារកសាងផ្លូវនិងសម្រួលជូនតាមលក្ខណៈបច្ចេកទេសមិនអោយជួបការលំបាក់ដល់ប្រជាពលរដ្ឋជាក់ស្តែងពេលនេះផ្លូវដែលបែកភក់ត្រូវបានឈូសឆាយសម្រួលបានស្រួលទៅមកបានស្រួលហើយ៕(ប៊ុន ធឿន)
