ផ្លូវកាត់ផ្សារគុត្តសត ប្រវែងជាង២០០ម៉ែត្រ បែកភក់ជ្រាំ ប្រជាពលរដ្ឋជួបការលំបាកចេញ-ចូលនិងឆ្លងកាត់ ពេលមានភ្លៀងធ្លាក់
ខេត្តបន្ទាយមានជ័យ៖ ផ្លូវកាត់ផ្សារគុត្តសត ប្រវែងជាង២០០ម៉ែត្របែកភក់ប្រជាពលរដ្ឋជួបការលំបាកចេញ ចូលនិងឆ្លងកាត់ទៅមកនៅពេលមានភ្លៀងធ្លាក់ ស្ថិតភូមិយាងថ្មី ឃុំកូប ស្រុកអូរជ្រៅ ។
ប្រជាពលរដ្ឋប្រាប់ថា៖នៅពេលមានភ្លៀងធ្លាក់ផ្លូវកាត់ផ្សារគុត្តសត បែកភក់ចេញចូលឆ្លងកាត់ពិតជាលំបាកខ្លាំងដែលមានប្រវែងជាង២០០ម៉ែត្រ ដែលកំពុងឈូសឆាយកសាងផ្លូវថ្មីដែលជួបការលំបាករយៈពេលជាង១សប្តាហ៍ហើយដែលប្រជាពលរដ្ឋឆ្លងកាត់និងចេញពីផ្ទះនិងប្រកបមុខរបរកស៊ីទទួលទានក៏ពិបាកសុំអោយអាជ្ញាធរមូលដ្ឋានចុះពិនិត្យនិងជួយសម្រួលផង។
ប្រជាពលរដ្ឋបានបញ្ជាក់ថា៖ផ្លូវ១ខ្សែឆ្លងកាត់ផ្សារគុត្តសត កាលពីមុនជាផ្លូវបេតុងដែលរងការខូចខាតតែក្រោយមកឃើញអាជ្ញាធរបានឈូសឆាយកំទេចបេតុងចោលគ្រោងកសាងផ្លូវថ្មី គឺប្រជាពលរដ្ឋពិតជាសប្បាយចិត្តនិងត្រេកអរយ៉ាងខ្លាំងបានផ្លូវថ្មី តែសុំអោយក្រុមហ៊ុនដែលម៉ៅការធ្វើផ្លូវពេលបែកភក់ប្រជាពលរដ្ឋចេញ.ចូលមិនរួចជួយឈូសឆាយសម្រួលអោយប្រជាពលរដ្ឋទៅមកបានងាយស្រួលផង។
លោក អ៊ូ សុភាព អភិបាលរងស្រុកអូរជ្រៅបានប្រាប់ថា៖ សុំចិត្តប្រជាពលរដ្ឋទ្រាំបន្តិចព្រោះគម្រោងកសាងផ្លូវកៅស៊ូប្រវែងជាង១០គីឡូម៉ែត្រ ដែលតភ្ជាប់ពីផ្លូវជាតិលេខ៥ ឆ្លងកាត់ផ្សារគុត្តសត តភ្ជាប់ពីភូមិយាងថ្មី ឃុំកូប ដល់ភូមិកណ្តាល ឃុំសឹង្ហ ស្រុកអូរជ្រៅ ដែលគម្រោងកសាងផ្លូវនេះនិងរួចរាល់នៅខែកញ្ញា ឆ្នាំ២០២៦៕ (ប៊ុន ធឿន)
